ممــــلكــة حِــــزنـــــي ..!!!

مملكة حزني . .!
لفيت لدارٍ غريب حزين

أفتش في زواياها أفراح

لقيت أزهار أرضها ألوان

حتى الفرح فيها يضحك

وإن حط ليله

من زود السهر سكران

وشّبّانَّها

وين ما لاحت عيوني

الوجيه حفل ابتسامات

وشيبانهم

الواحد فيهم طفل بدلاله

ماترك لشيبه نهاية عُمر

ولا موت وحطام

وأنا هايم بين ألآم الطفولة

وظلام ربيع العمر

يلي أضحت أزهاره

عيدانٍ عجاف

بروح القلب عمرت كوخ الأحزان

لين مازادت مساحاته

وشيدت بكل زواياه الذكريات

وصار حزني مملكة...!!

ألا ياهيه

إنتم ياعرب

من يشتري مملكةحزني. .؟

ومنه أبشتري كاس الفرح

وأسعد بأيامي ولو ساعة زمان ..

أبي مثل هالشيبان ضحاك

وأعيش الطفولة شرات هالناس

وأبي من كثر الفرح

أنام مستانس وفرحان . .

تبقى أحلام وأمال بعمري

غديت من همي

طفولة قلب

وبملامح شيخ

كبيرالسن كهلان . . .

بقلمي فتاة السلطنة

28ـ7ـ2010